دین اسلام آسانی و نرمی والا دین ہے ، رحمت ومہربانی کا دین ہے :
Islam is a simple and easy religion [……..]
آنحضرت صلی اللہ علیہ وسلم نے فرمایا: “بیشک دین آسان ہے اور جو شخص دین میں سختی اختیار کرے گا تو دین اس پر غالب آ جائے گا (اور اس کی سختی نہ چل سکے گی) پس (اس لیے) اپنے عمل میں پختگی اختیار کرو۔ اور جہاں تک ممکن ہو میانہ روی برتو اور خوش ہو جاؤ (کہ اس طرز عمل سے تم کو دارین کے فوائد حاصل ہوں گے) اور صبح اور دوپہر اور شام اور کسی قدر رات میں (عبادت سے) مدد حاصل کرو۔ ” [حدیث نمبر: 39 کتاب الایمان صحیح بخاری]
محمد (صلی اللہ علیہ وآلہ وسلم) نے وہ تمام بوجھ اور طوق اتار کر اور وہ تمام پابندیاں توڑ کر اصل اسلام پیش فرمایا جو نہایت سادہ اور آسان ہے۔
رسول اللہ (صلی اللہ علیہ وآلہ وسلم) نے فرمایا : ( أَحَبُّ الدِّیْنِ إِلَی اللّٰہِ الْحَنِیْفِیَّۃُ السَّمْحَۃُ ) ” اللہ تعالیٰ کو سب سے محبوب آسان حنیفی دین ہے۔ “ [ بخاری، الإیمان، باب الدین یسر، قبل ح : ٣٩، تعلیقًا ]
اور فرمایا : ( اِنَّ الدِّیْنَ یُسْرٌ ) ” دین آسان ہے۔ “ [ بخاری، الإیمان، باب الدین یسر : ٣٩ ]
ایک دوسری حدیث ہے : ( لاَ ضَرَرَ وَلَا ضِرَارَ ) [ السلسلۃ الصحیحۃ : ٢٥٠ ] یعنی نہ ابتداءً نقصان پہنچانا جائز ہے نہ بدلے میں نقصان پہنچانا۔
آپ صحابہ کرام (رض) کو ہمیشہ تلقین فرماتے : ( یَسِّرُوْا وَلَا تُعَسِّرُوْا )” آسانی کرو، تنگی مت کرو۔ “ [بخاری، الأدب، باب قول النبی (صلی اللہ علیہ وآلہ وسلم) : یسروا ولا تعسروا : ٦١٢٥ ]
افسوس مسلمانوں نے بھی اہل کتاب کے نقش قدم پر چلتے ہوئے شریعت کے فرائض کی پابندی کرنا اور منع کردہ چیزوں سے اجتناب چھوڑ دیا اور اپنی اور اپنے مولویوں اور جاہل عوام کی خود ساختہ رسوم و رواج کے بوجھ اور طوق اپنے اوپر ڈال کر اپنی زندگی کو مشکل میں ڈال دیا۔
وہ حج پر نہیں جاتے مگر قبروں پر عرسوں میں ہزاروں لٹا دیتے ہیں،
نماز نہیں پڑھتے مگر مرشدوں کے وظائف پر گھنٹے لگا دیتے ہیں۔
زکوٰۃ و عشر نہیں دیتے مگر میت کے موقع پر دیگوں، ختموں اور مولوی صاحبان پر لاکھوں اڑا دیتے ہیں،
نکاح کی رسوم پوری کرنے، جہیز بنانے کے لیے ساری عمر کے لیے مقروض ہوجاتے ہیں مگر لڑکیوں کو ورثہ دینے کے لیے تیار نہیں ہوتے۔
اب اس کی شکایت اللہ کے سوا کس کے سامنے کی جائے۔ ۭفَالَّذِيْنَ اٰمَنُوْا بِهٖ ۔۔ :
اور اسی لیے اللہ تعالی نے اس امت کواسی چيزکا مکلف بنایا ہے جس کی اس میں استطاعت وطاقت ہے- جوبھی اچھائ اوربھلائ کرے اسے اس کا اجروثواب حاصل ہوتا ہے اورجوبھی شرو برائ کا کام کرے اس پراس کا وبال اورگناہ ہے ، جیسا کہ اللہ سبحانہ وتعالی نے ارشاد فرمایا ہے :
“اللہ تعالی کسی کوبھی اس کی طاقت سے زيادہ مکلف نہیں کرتا اس کو جوبھی وہ عمل کرے اس کا اجروثواب اورجوبھی وہ گناہ کرے اس کا وبال اورگناہ بھی اس پرہی ہے ” البقرۃ ( 286 )
اوراللہ سبحانہ وتعالی نے مسلمانوں پرمکلف کی گئ ہرچيز پرمشقت اورتنگی ختم کردی اوراسے اٹھا لیا ہے ۔ اللہ تعالی نے اسی کے متعلق بیان کرتے ہوۓ فرمایا :
اس اللہ تعالی نے تمہیں اختیار کرلیا ہے اور تم پرتمہارے دین میں کوئ تنگی نہیں کی الحج ( 78 )
مسلمان کا وہ گناہ جس کا سبب غلطی اوربھول یا پھر جبر ہے وہ اللہ تعالی کی جانب سے معاف کردیا گیا ہے ۔
اللہ تعالی کا فرمان کچھ اس طرح ہے :
اے ہمارے رب اگرم ہم سے بھول ہوجاۓ یاپھرہم غلطی کرلیں توہمارا مؤاخذہ نہ کرنا البقرۃ ( 286 ) ۔
حدیث میں آتا ہے کہ اس کے جواب میں اللہ سبحانہ وتعالی نے فرمایا ، یقینا میں نے ایسا کردیا ۔
مسلمان کے گناہوں کا محاسبہ اس وقت ہوتا ہے جب اسے عمدا اورجان بوجھ کرکیا جاۓ نہ کہ غلطی سے ۔
اللہ رب العزت کا فرمان ہے :
جس میں تم غلطی کرلواس کا تم پرکوئ گناہ نہیں لیکن گناہ اس میں ہے جوتمہارے دل عمدا اورجان بوجھ کرکریں الاحزاب ( 5 ) ۔
اوراللہ تبارک وتعالی بڑا مہربانی اوررحم کرنے والا ہے جس نے محمد صلی اللہ علیہ وسلم کوآسانی اوریکسو اورنرمی والا دین دے کر مبعوث فرمایا ۔
اللہ جل شانہ کا کا ارشاد ہے :
اللہ تعالی تمہارے ساتھ آسانی چاہتا ہے اوروہ تمہیں مشکل اورسختی میں نہیں ڈالنا چاہتا البقرۃ ( 185 ) ۔
نبی اکرم صلی اللہ علیہ وسلم کا بھی فرمان ہے :
( یقینا دین ( اسلام ) آسان ہے اورجوبھی دین میں طاقت سے زيادہ سختی کرتا ہے وہ اس کی طاقت نہیں رکھتا ، توتم میانہ روی اختیار کرو ، اور صحیح کام کرو اورخوشياں بانٹو ) صحیح بخاری حدیث نمبر ( 39 ) ۔
اورشیطان جوکہ انسان کاسب سے بڑا اورازلی دشمن ہے اسے اللہ تعالی کے ذکر سے غافل کردیتا اوراسے کے لیے گناہ و معصیت کومزين کرتا ہے تا کہ وہ اس کا ارتکاب کرنے سے ہچکچاہٹ نہ محسوس کرے ۔
اللہ تبارک وتعالی کے ارشاد کا ترجمہ کچھ اس طرح ہے :
{ ان پرشیطان نے غلبہ حاصل کرلیا اورانہیں اللہ تعالی کا ذکر بھلا دیا ، یہ شیطانی لشکر ہے ، بلاشک شبہ شیطانی لشکر ہی خسارہ میں ہے } المجادلۃ (19)
اوراللہ سبحانہ وتعالی نے دل میں پیدا ہونے کی بات اورسوچ کوبھی معاف کردیا ہے ، جیسا کہ نبی صلی اللہ علیہ وسلم کا فرمان ہے :
( یقنا اللہ تعالی نے میری امت کواس کے دل میں پیدا ہونے والی باتوں اورخیالا ت سے درگزر فرمادیا ہے لیکن جب وہ اس کوزبان پر لیے آئيں یا پھر اس پرعمل کرلیں تومعاف نہيں ) صحیح مسلم حدیث نمبر ( 127 ) ۔
جوبھی کوئ معصیت وگناہ کا مرتکب ہواوراللہ تعالی نے اس کے گناہ پرپردہ ڈالا تواس کے لیے یہ جائزنہیں کہ وہ اس معصیت اورگناہ کا پرچارکرتا پھرے اورلوگوں کو بتاۓ کہ میں نے ایسا کیا تھا ۔
نبی صلی اللہ علیہ وسلم کا فرمان ہے :
میری ساری امت کودرگزر کردیا گیا ہے مگرگناہ کا اعلان کرنے والوں کونہیں – صحیح مسلم حدیث نمبر ( 2990 ) ۔
اورجب انسان کسی گناہ کا ارتکاب کرنے کے بعدنادم ہوتا ہوا اس سےتوبہ کرتا ہے تواللہ تعالی بھی اس کی توبہ قبول فرماتے ہیں ۔
اللہ غفور رحیم کا فرمان ہے :
{ تمہارے رب نے مہربانی کرنا اپنے ذمہ مقرر کرلیا ہے ، توجوشخص بھی تم میں سے جہالت کی بنا پرکوئ گناہ اورمعصیت کرلے اوراس کے بعد توبہ کرتا ہوۓ اصلاح کرلے تویقینا اللہ تعالی بڑی مغفرت والا اوربڑی رحمت والا ہے } الانعام ( 54 ) ۔
اوراللہ تبارک وتعالی بڑی کرم وسخاکامالک ہے وہ حسنات و نیکیوں میں تواضافہ فرماتا اوراورگناہوں اورمعصیات سے معاف اوردرگزر فرماتا ہے ۔
جیسا کہ نبی اکرم صلی اللہ علیہ وسلم نے اپنے رب سے حدیث قدسی بیان کرتے ہوۓ فرمایا ہے :
“بلاشبہ اللہ تعالی نے نیکیوں اور برائیوں کولکھا پھر انہیں بیان کیا ، توجوبھی کسی نیکی کرنے کا ارادہ کرتا ہے اوراس پرعمل نہیں کرتا اللہ تعالی اسے اپنے پاس ایک مکمل نیکی لکھ دیتے ہیں ، اورجو ارادہ کرنے کے بعد اس پر عمل بھی کرتا ہے اللہ تعالی اس کے لیے اپنے پاس دس نیکیوں سے سات سوبلکہ اس سے بھی زيادہ تک کے اضافہ کے ساتھ لکھتے ہیں- اورجوکوئ برائ کرنے کاارادہ کرتا اوراس پرعمل نہیں کرتا تواللہ تعالی اس کے لیے اپنے پاس ایک مکمل نیکی لکھ دیتے ہیں ، اوراگروہ ارادہ کرنے کے بعد اس پرعمل بھی کرلیتا ہے تواللہ تعالی اسے صرف ایک ہی برائ لکھتے ہیں ” [متفق علیہ ، صحیح بخاری کتاب الرقائق حدیث نمبر( 81 )] ۔
[Source: https://islamqa.info/ur/10590]
دین میں کچھ آسانیاں اور سہولیات درج ذیل ہیں ، تفصیلات لنکس پر موجود ہیں …
- کرونا وائرس کی وبا سے حفاظت کے لیے آن لائن نماز تراویح اور جمعہOnline Taraweeh and Jummah
- مسجد سے دوری پر گھر میں نماز پڑھنا:
- نماز کی اہمیت ، مسائل ، طریقه اور جمع بین الصلاتین
- سفر میں نمازقصر ، مختصر کرنا
- باجماعت نماز
- بیماری یا عذر ہو تو کرسی پر یا اشارہ سے نماز پڑھنا
- پانی نہ ہو یا کوئی عذر ہو تو تیمم کرنا
- بیماری یا سفر میں روزہ نہ رکھنا قصر اور بعد میں روزے پورا کرنا
- وضو میں جراب یا موزہ پر مسح کرنا
- مجبوری اور حرام و حلال
- قتل خطا کا کفارہ
- اپنا دفاع كرتے ہوئے كسى دوسرے كو قتل كرنے ميں ديت يا كفارہ كى …
- تاویل غیر مکفرہ کے لئے قواعد و ضوابط، اور اس بارے میں کچھ فوائد …
- نقاب ، حجاب: قرآن , حدیث اور اجماع
- خوشخبری – رحمتوں اور برکتوں کا خزانہ
- کرونا وائرس کی وبا سے حفاظت کے لیے آن لائن نماز تراویح اور جمعہOnline Taraweeh and Jummah… […….]