…The only way to solve the Israeli-Palestinian problem ::It has been the same way for decades.

کئی دہائیوں سے یہ ہو رہا ہے کہ جب بھی اسرائیلیوں اور .فلسطینیوں کے مابین تشدد پھوٹ پڑتا ہے ، دنیا بھر کی حکومتیں امن پر زور دیتی ہیں ، جنگ بندی کا معاہدہ طے پا جاتا ہے ، اور پھر اسرائیلی ظلم ع بربریت شروع  >>>>

. Every time violence between the Israelis and .Palestinians erupts, governments around the world urge de-escalation, a cease-fire agreement is reached, …[Continue Reading

عرب ممالک فلسطین کی مدد کیوں نہیں کرتے؟

کوئی اسلامی ملک اتنا طاقتور نہیں کہ امریکہ کی طرح اکیلا دور دراز غزہ میں فلسطینیوں کی فوجی مدد کر سکے- یہ کام ہمسایہ عرب ممالک کے فوجی تعاون کے بغیر ناممکن ہے مگر:
ہمسایہ عرب ممالک فلسطینیوں کی مدد کیوں نہیں کرتے؟
وہ اس مسلہ کو حل کیوں نہیں کرتے؟
لیکن برعکس وہ اسرایئل کے ساتھ دوستی کی پینگیں چڑھا رہے ہیں – اس پر غور کریں ….
فلسطینی قوم عرب میں تعلیم یافتہ ، مہذب اور محنتی ہے، 72 سال کی جدوجہد آزادی نے ان کو ایک جنگجو قوم بنا دیا ہے۔
اس وقت حماس ایک مقبول جماعت ہے جو کہ اسلامی نظام کے حمایتی ہیں-
ہمسائیہ عرب ممالک میں بادشاہت اور آمریت قائم ہے – سعودیہ ، اردن ، شام ، مصر، امارات کو دیکھ لیں- کویت میں مکس قسم کا نظام ہے جو کہ حماس کی مدد کرتا ہے-
باقی عرب فلسطینی اتھارٹی (Palestenian Authority) کی حمایت کرتے ہیں جو کہ سیکولر ہے، کرپٹ ہے اور اسرایئل و عرب ممالک کے ساتھ چلتی ہے بظاھر شور کرتی ہے-
جب بھی فلسطین آزاد ہوگاوہاں اسلامی جمہوری حکومت قائم ہو گی –
یہ بڑی تیزی سے ترقی کریں گے
بہت المقدس کے زارئین سے ان کی معیشت تیزی سے ترقی کرے گی ، سمندر میں تیل کے زخائیر بھی ہیں ۔
فلسطین ایک بہادر ، جنگجو ، تعلیم یافتہ اور مضبوط معیشت کے ساتھ اسلامی حکومت ، جغرافیائی طور پر بر اعظموں کے سنگم ، میڈیٹرینین سمندر کی اہم قوت بن کر ابھرے گی ۔
اس سے سعودی حکمرانوں کی اہمیت میں کمی ہو گی، تمام بادشاہت اور آمروں کو خطرہ ہو گا کہ یہ وا ئرس عرب بہار کی طرح پورے علاقہ میں پھیل جائے گا، کویت ان کو سپورٹ کرتا ہے –
اس سے پہلے مصر میں مرسی کے خاتمہ میں اسرایئل و سعودی عرب کا خاص کردار تھا تاکہ اسلامی مصر ، حماس کی مدد نہ کرے – یہ لوگ اسرایئل سے اس پالیسی کی قیمت اپنی سیکورٹی اور ایران کے خلاف محاز آرائی کی شکل میں وصول کرتے ہیں دونوں کو یہ سوٹ کرتا ہے –
یہ عرب ممالک فلسطین کی زبانی مدد کا دعوی کرتے ہیں تاکہ عوام کو مطمئن رکھ سکیں، فلسطین کی آزادی کے اندر سے مخالف ہیں ، اگر آزادی ہو بھی تو لنگڑی لولی، پابندیوں کے ساتھ ، مکمل خودمختاری نہیں۔
سعودی تو القدس کے متولی بھی بننا جاہتے ہیں تاکہ ان کی مقامات مقدسہ پر مکمل اجارہ داری ہو جائیے ، اس کے لئیے اسرائیل اور امریکہ سے کسی بھی ڈیل سے گریز نہیں کریں گے۔
ایران جو کہ آئینی طور پر ایک فرقہ وارانہ شیعہ مملکت ہے (کوئی سنی مسلمان اعلی عہدوں پر آئین ایران کے مطابق فائیز نہیں ہو سکتا) وہ حماس کو صرف اس لیے سپورٹ کرتا ہے کہ اسرایئل اور عربوں کو پریشر میں رکھے ورنہ اہرانی مدد سے شیعہ ملیشیا شام ،لبنان اور یمن میں بہت طاقتور ہیں حماس کو زیادہ زبانی مدد اور تھوڑی مدد دیتا ہے کہ کام چلتا رہے بس-
مزید … مظلوم مسلمانوں کی مدد اور جہاد >>>>>مزید … مظلوم مسلمانوں کی مدد اور جہاد >>>>>

ان حالات میں حماس نے یہ جنگ شروع کی اس کے ممکنہ مقا صد اور اہداف یہ ہو سکتے ہیں
1. جمود کو توڑنا
2۔ امریکہ ، اسرایئل ، عرب گٹھ جوڑ کے پرزے اڑا دینا [ٹرمپ – ایم بی ایس ، یو ے ای ، کشنر ، اسرایل کا پلان ]
3۔. اسرایئل کے دفاع کے نظام کو چیلنج کرنا اور خوف پیدا کرنا
4۔ اس وقت اسرائیل کی آدھی آبادی بنکروں میں پناہ لیتی ہے حماس کے راکٹ حملوں کی وجہ سے ، یہ تسلسل سے ان کے نروس بریک کرے گا
5. فلسطین کی نوجوان نسل کو جدوجہد آزادی میں شامل کرنا
6۔ مغربی کنارہ اور القدس میں محمود عباس کی سیاسی طاقت کم کرنا تاکہ الیکشن میں حماس کی حکومت تمام علاقوں میں قائم ہو
7۔ حماس ہر صورت میں کامیاب ہے اور اپنے اہداف حاصل کر لے گی بلکہ کر چکی ہے ، سیز فائر جلد ہو یا بدیر صرف جانی نقصان زیادہ ہو گا، پہلے انتفادہ (1987-1991) میں 277 اسرائیلی اور 1962 فلسطینی شہید ہوئے۔ دوسرے انتفادہ (2000-2005) جسے الاقصی انتفادہ بھی کہتے ہیں جو پانچ سال جاری رہا ، 3179 فلسطینی اور 1010 یہودی مارے گیے تھے۔ فلسطینیوں میں جہاد اور قربانی ، شہادت کا جزبہ بے پناہ ہے۔
8۔ جب وہ مناسب سمجھیں گے کہ ان کے احداف حاصل ہو چکے وہ راکٹ حملے بند کرکہ جنگ بندی کریں گے۔ ان کی قوت کے لحاظ سے اسرائیل کی مکمل شکست ابھی ممکن نہہں لیکن اسرائیل کا غرور اور ناقابل تسخیر امیج کے ٹکڑے کرنا، عربوں سے دوستی کو روکنا ممکنہ احداف ہو سکتے ہیں۔
9۔پاکستان ، ترکی ، کویت ، ملیشیا وغیرہ حماس کو سپورٹ کر رہے ہیں ، امریکہ اور یوروپ میں بھی حماس کا امیج بہتر ہوا ہے
10 دنیا کواب فلسطین کے مسلہ کا حل تلاش کرنا ہوگا .. ورنہ اسرائیل کو بھی سخون میسر نہیں ہوگا اور اسے ظلم کی بہت زیادہ قیمت ادا کرنا ہو گی۔
11۔ حماس نے یہ جنگ خود شروع کی، پاکستان مشورہ میں شامل نہیں، اور وہ خود ہی بند کریں گے۔ لیکن برادر اسلام اور الاقصی کی وجہ سے ان کی مدد لازم ہے۔
مزید … مظلوم مسلمانوں کی مدد اور جہاد >>>>>

---

<<< Updated on Gaza / Palestine  >>>

افغان طالبان نے نے امریکہ کو شکست دی ،، کیا یہ پاکستان کی مدد کے بغیر ممکن تھا؟ افغان جیوگرافی ، پہاڑی ، جنگلی علاقہ گوریلا جنگ میں مدد گار ہوتا ہے- افغان اپنے ملک میں غیر ملکی فوج کے خلاف جہاد کر رہے تھے، اس جنگ میں ان پر کوئی اور ذمہ داری نہیں تھی کہ ھسپتال بننا نے ہیں ، تعلیمی ادارے، روزگار، کچھ بھی نہیں بس جدوجہد اور جنگ – ایک گروہ اور ایک ریاست میں فرق ہوتا ہے- ریاست پاکستان ایک ذمہ دار ایٹمی ریاست ہے  جو بین الاقوامی معاہدات کا پابند ہے ایک لشکر یا گروہ نہیں حکومت پر بائیس کروڑ عوام کی ذمہ داری ہے جس کو نظر انداز نہیں کیا جا سکتا – جس طرح پاکستان نے افغان طالبان کی مدد کی مصر اور عرب ممالک کر سکتے ہیں اور پاکستان بھی اپنا کردار ادا کر سکتا ہے – شاہ فیصل نے تیل کو بطور ہتھیار استعمال کیا تھا اب وہاں کٹھ پتلی حکمران ہیں- ابھی کچھ عرصۂ قبل امارات اور دوسدوسرے عرب ممالک نے اسرائیل کو تسلیم کیا اور تعلقات قائم کیے- سعودیہ بھی لائن میں لگا ہوا ہے- پاکستان نے دباوو قبول کرنے سے انکار کر دیا- اب بھی ترکی اور پاکستان تسلسل سے فلفلسطین کی حمایت میں بول رہے ہیں، اسلامی ممالک کی تنظیم کا اجلاس سعودیہ نے بلایا ہے لیکن ان سے کوئی توقعات نہیں-

پنجاب یا میدانی لوگ بزدل نہیں مگر میدانی علاقہ میں بڑی تعداد میں حملہ آوروں کو روکنا مشکل ہوتا ہے نہ ہی گوریلا جنگ ممکن ہوتی ہے اسی طرح فلسطین ہے ، لبنان میں حزب الله نے پہاڑی علاقہ میں اسرائیل کا برا حال کیا تھا- حماس غزہ کے محدود میدان میں جو کچھ کر رہے ہیں بہت ہے مگر شہری آبادی کا نقصان بہت ہو رہا ہے . جدوجہد  آزادی کی قیمت  ادا کرنا پڑتی ہے –

اس وقت صرف امریکہ ، روس اور چین میں طاقت ہے کہ وہ دور دراز فوج بھیج کر آپریشن کر سکیں – مگر صرف امریکہ ہے جو یہ کام کرتا ہے اس کے پاس  ضروری سازو سامان، زمینی ، بحری اور فضیائی طاقت ہے وہ اسلحہ خود بناتا ہے  اس نے ضرورو دستے بن کر ٹرینڈ کیے ہیں اور امریکہ کی اکنومی دنیا کی سب سے بڑی معیشت ہے جو افورڈ کر سکتا ہے- ایران نے شام میں مداخلت پر تیس بلین ڈالر خرچ کیے  عوام کا برا حال ہے- کیا پاکستان جو کہ سعودیہ سے ادھار تیل لیتا ہے امارات اور سعودیہ سے دو ، تین بلین ڈالر کے لیے خوار ہوتا ہے کیسے افواج بھر بھیجے گا؟ پاکستان کے اندرونی مسائل ، مشرق اور مغرب کی سرحد گرم ہے بہت مشکل سے اپنا دفع کرتا ہے- لیکن پھر بھی جب مقامات مقدسہ کو خطرہ ہو پاک فوج پہنچ گیی – اب بہ اگر کوئی مشترکہ منصوبہ بنے تو پاک فوج پیچھے نہیں ہو گی – القدس کی آزادی کے کیے پاکستان کا بچہ بچہ شہادت کے کیے تیار ہے – مگر شہادت سے آزادی کی منزل آسان ہو- اہل پاکستان میں اگر غیرت اور جذبہ ہے تو آج سے عہد کریں کہ کسی کرپٹ ، نہ اہل کو ووٹ نہ دیں گے نہ ہی اس کی حمایت کریں گے اور جوپاکستان اور امت مسلمہ کا خیر خواہ ہو گا اسی کو سپورٹ کریں گے ، پھر نتائج کا انتظار کریں –

• آزادی فلسطین اور امن کی جدوجہد میں آپ کا کردا…….ر
• مسلہ فلسطین ، یروشلم ، القدس پر مضامین 
• جہاد کشمیر۔ تجزیہ و آپشنز
• https://quransubjects.blogspot.com/2021/05/jihad.html

اس تحققیق میں روہنگیا مظلوم مسلمانوں کا ذکر ایک مثال کے طور پر ہے، یہ تحریر تمام دنیا میں ہر جگہ مظلوم مسلمانوں کی مدد کے تناظر میں مددگار ہو سکتی ہے-
جہاد “فی سبیل اللہ” (الله کے لئے) ہوتا ہے- ہر وہ جنگ جو مسلمان لڑے جہاد نہیں ہوسکتا- جہاد کی تمام شرعی شرائط کو پورا کرنے کے بعد جس میں جید علماء سے مشاورت شامل ہو جہاد کا اعلان اور اس پر عمل درآمد کرنا اسلامی حکومت کی ذمہ داری ہے- اس کے علاوہ علماء ،گروہ یا افراد کی طرف اعلان جہاد، فسادفی الارض ہے-

وَمَا لَكُمْ لَا تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَٰذِهِ الْقَرْيَةِ الظَّالِمِ أَهْلُهَا وَاجْعَل لَّنَا مِن لَّدُنكَ وَلِيًّا وَاجْعَل لَّنَا مِن لَّدُنكَ نَصِيرًا ‎﴿٧٥﴾‏ الَّذِينَ آمَنُوا يُقَاتِلُونَ فِي سَبِيلِ اللَّهِ ۖ وَالَّذِينَ كَفَرُوا يُقَاتِلُونَ فِي سَبِيلِ الطَّاغُوتِ فَقَاتِلُوا أَوْلِيَاءَ الشَّيْطَانِ ۖ إِنَّ كَيْدَ الشَّيْطَانِ كَانَ ضَعِيفًا ‎﴿٧٦﴾‏

آخر کیا وجہ ہے کہ تم اللہ کی راہ میں اُن بے بس مردوں، عورتوں اور بچوں کی خاطر نہ لڑو جو کمزور پاکر دبا لیے گئے ہیں اور فریاد کر رہے ہیں کہ خدایا ہم کو اس بستی سے نکال جس کے باشندے ظالم ہیں اور اپنی طرف سے ہمارا کوئی حامی و مدد گار پیدا کر دے (75) جن لوگوں نے ایمان کا راستہ اختیار کیا ہے، وہ اللہ کی راہ میں لڑتے ہیں اور جنہوں نے کفر کا راستہ اختیار کیا ہے، و ہ طاغوت کی راہ میں لڑتے ہیں، پس شیطان کے ساتھیوں سے لڑو اور یقین جانو کہ شیطان کی چالیں حقیقت میں نہایت کمزور ہیں (4:76)

ان کی یہ آہ و بکا تمہیں آمادۂ پیکار کیوں نہیں کر رہی ؟ ان پر ظلم ہو رہا ہے ‘ ان پر ستم ڈھائے جا رہے ہیں اور تمہارا حال یہ ہے کہ تم اپنے گھروں سے نکلنے کو تیار نہیں ہو ؟ بعض لوگ اس آیت کا انطباق ان مختلف قسم کے سیاسی جہادوں پر بھی کردیتے ہیں جو کہ آج کل ہمارے ہاں جاری ہیں اور ان پر جہاد فی سبیل اللہ کا لیبل لگایا جا رہا ہے۔ لیکن یہ بات بالکل ہی قیاس مع الفارق ہے۔ واضح رہے کہ یہ خطاب ان اہل ایمان سے ہو رہا ہے جن کے ہاں اسلام قائم ہوچکا تھا۔ ہم اپنے ملک میں اسلام قائم کر نہیں سکتے۔ یہاں پر دین کے غلبہ و اقامت کی کوئی جدوجہد نہیں کر رہے۔ ہمارے ہاں کفر کا نظام چل رہا ہے۔ اس کے مخاطب اہل ایمان ہیں ‘ اور اہل ایمان کا فرض یہ ہے کہ پہلے اپنے گھر کو درست کرو ‘ پہلے اپنے ملک کے اندر اسلام قائم کرو لہٰذا جہاد کرنا ہے تو یہاں کرو ‘ جانیں دینی ہیں تو یہاں دو ۔ یہاں پر طاغوت کی حکومت ہے ‘ غیر اللہ کی حکومت ہے ‘ قرآن کے سوا کوئی اور قانون چل رہا ہے ‘ جبکہ اللہ تعالیٰ کا یہ فرمان ہے : (وَمَنْ لَّمْ یَحْکُمْ بِمَا اَنْزَلَ اللّٰہُ فَاُولٰٓءِکَ ھُمُ الْکٰفِرُوْنَ ۔۔ فَاُولٰٓءِکَ ھُمُ الظّٰلِمُوْنَ ۔۔ فَاُولٰٓءِکَ ھُمُ الْفٰسِقُوْنَ ) (المائدۃ) اور جو لوگ اللہ کے نازل کردہ قانون کے مطابق فیصلے نہیں کرتے وہی تو کافر ہیں ۔۔ وہی تو ظالم ہیں ۔۔ وہی تو فاسق ہیں۔ “ چناچہ کافر ‘ ظالم اور فاسق تو ہم خود ہیں۔ ہمیں پہلے اپنے گھر کی حالت درست کرنا ہوگی۔ اس کے بعد ایک جمعیت قائم ہوگی۔ ہماری حکومت تو ان لوگوں سے دوستیاں کرتی پھرتی ہے جن کے خلاف یہاں جہاد کا نعرہ بلند ہو رہا ہے ‘ جس میں جانیں دی جا رہی ہیں۔ تو یہ آیت اپنی جگہ ہے۔ ہرچیز کو اس کے سیاق وسباق کے اندر رکھنا چاہیے۔ [بیان القرآن ، ڈکٹر اسرار احمد ]

لیکن اس سب کے باوجود مظلوم کی مدد لازم ہے حکومت کو مناسب اقدامات اٹھانا چاہییں تاکہ ظلم کا خاتمہ ہو –

جہاد کی مکمل تیاری اسلحہ، جنگی سامان، تربیت ، اعلی پلاننگ، سٹریٹیجی پھر اللہ پر توکل

وَاَعِدُّوۡا لَهُمۡ مَّا اسۡتَطَعۡتُمۡ مِّنۡ قُوَّةٍ وَّمِنۡ رِّبَاطِ الۡخَـيۡلِ تُرۡهِبُوۡنَ بِهٖ عَدُوَّ اللّٰهِ وَعَدُوَّكُمۡ وَاٰخَرِيۡنَ مِنۡ دُوۡنِهِمۡ‌ ۚ لَا تَعۡلَمُوۡنَهُمُ‌ ۚ اَللّٰهُ يَعۡلَمُهُمۡ‌ؕ وَمَا تُـنۡفِقُوۡا مِنۡ شَىۡءٍ فِىۡ سَبِيۡلِ اللّٰهِ يُوَفَّ اِلَيۡكُمۡ وَاَنۡـتُمۡ لَا تُظۡلَمُوۡنَ‏ ۞
ترجمہ:
اور تم لوگ ، جہاں تک تمہارا بس چلے، زیادہ سے زیادہ طاقت اور تیار بندھے رہنے والے گھوڑے اُن کے مقابلہ کے لیے مہیّا رکھو تاکہ اس کے ذریعہ سے اللہ کے اپنے دشمنوں کو اور ان دوسرے اعداء کو خوف زدہ کر دو جنہیں تم نہیں جانتے مگر اللہ جانتا ہے۔ اللہ کی راہ میں جو کچھ تم خرچ کرو گے اس کا پورا پورا بدل تمہاری طرف پلٹایا جائے گا اور تمہارے ساتھ ہر گز ظلم نہ ہو گا. (القرآن – سورۃ نمبر 8 الأنفال، آیت نمبر 60)

مسلمانوں کو واضح طور پر حکم دیا جا رہا ہے کہ تم لوگ اپنے وسائل کے مطابق ‘ مقدور بھر فن حرب کی صلاحیت و اہلیت ‘ اسلحہ اور گھوڑے وغیرہ جہاد کے لیے تیار رکھو۔ اگرچہ ایک مؤمن کو اللہ کی نصرت پر توکل کرنا چاہیے ‘ مگر توکل کا یہ مطلب ہرگز نہیں کہ وہ ہاتھ پر ہاتھ دھرے بیٹھا رہے اور امید رکھے کہ سب کچھ اللہ کی مدد سے ہی ہوجائے گا۔ بلکہ توکل یہ ہے کہ اپنی استطاعت کے مطابق اپنے تمام ممکنہ مادی اور تکنیکی وسائل مہیا رکھے جائیں اور پھر اللہ کی نصرت پر توکل کیا جائے۔
یہاں مسلمانوں کو اپنے دشمنوں کے خلاف بھر پور دفاعی صلاحیت حاصل کرنے کی حتی الوسع کوشش کرنے کا حکم دیا گیا ہے۔ تیاری کا یہ حکم ہر دور کے لیے ہے۔ آج اگر اللہ تعالیٰ نے پاکستان کو ایٹمی صلاحیت سے نوازا ہے تو یہ صلاحیت ملک و قوم کی قوت و طاقت کی علامت بھی ہے اور تمام عالم اسلام کی طرف سے پاکستان کے پاس ایک امانت بھی۔ اگر اس سلسلے میں کسی دباؤ کے تحت ‘ کسی بھی قسم کا کوئی سمجھوتہ compromise کیا گیا تو یہ اللہ ‘ اس کے دین اور تمام عالم اسلام سے ایک طرح کی خیانت ہوگی۔ لہٰذا آج وقت کی یہ اہم ضرورت ہے کہ پاکستانی قوم اپنے دشمنوں سے ہوشیار رہتے ہوئے اس سلسلے میں جرأت مندانہ پالیسی اپنائے ‘ تاکہ اس کے دشمنوں کے لیے ایٹمی ہتھیاروں کی صورت میں قوت مزاحمت کا توازن deterrence قائم رہے۔
تُرْہِبُوْنَ بِہٖ عَدُوَّ اللّٰہِ وَعَدُوَّکُمْ وَاٰخَرِیْنَ مِنْ دُوْنِہِمْ ج لاَ تَعْلَمُوْنَہُمْ ج اَللّٰہُ یَعْلَمُہُمْ ط
یعنی تمہاری آستینوں کے سانپ منافقین جو درپردہ تمہاری تباہی اور بربادی کے درپے رہتے ہیں۔ تمہاری نظروں سے تو وہ چھپے ہوئے ہیں مگر اللہ تعالیٰ ان کو خوب جانتا ہے۔
وَمَا تُنْفِقُوْا مِنْ شَیْءٍ فِیْ سَبِیْلِ اللّٰہِ یُوَفَّ اِلَیْکُمْ وَاَنْتُمْ لاَ تُظْلَمُوْنَ
اخراجات
یعنی اگر اسلحہ خریدنا ہے ‘ سازو سامان فراہم کرنا ہے ‘ گھوڑے تیار کرنے ہیں تو اس سب کچھ کے لیے اخراجات تو ہوں گے۔ لہٰذا جنگی تیاری کے ساتھ ہی انفاق فی سبیل اللہ کا حکم بھی آگیا ‘ اس ضمانت کے ساتھ کہ جو کوئی جتنا بھی اس سلسلے میں اللہ کے رستے میں خرچ کرے گا اس کو وعدے کے مطابق پورا پورا اجر دیا جائے گا اور کسی کی ذرّہ برابر بھی حق تلفی نہیں ہوگی۔ (ماخوز بیان القرآن، مفسر: ڈاکٹر اسرار احمد)
جہاد – تحقیقی جائزہ : https://flip.it/HcX4Kt

جہاد کے لئے اسلحہ اور سامان حرب کی تیاری فرض ہے
دوسری آیت میں اسلام سے دفاع اور کفار کے مقابلہ کے لئے تیاری کے احکام ہیں، ارشاد فرمایا (آیت) وَاَعِدُّوْا لَهُمْ مَّا اسْـتَـطَعْتُمْ۔ یعنی سامان جنگ کی تیاری کرو کفار کے لئے جس قدر تم سے ہوسکے۔ اس میں سامان جنگ کی تیاری کے ساتھ مّا اسْـتَـطَعْتُمْ کی قید لگا کر یہ اشارہ فرمادیا کہ تمہاری کامیابی کے لئے یہ ضروری نہیں کہ تمہارے مقابل کے پاس جیسا اور جتنا سامان ہے تم بھی اتنا ہی حاصل کرلو۔ بلکہ اتنا کافی ہے کہ اپنی مقدور بھر جو سامان ہوسکے وہ جمع کرلو تو اللہ تعالیٰ کی نصرت و امداد تمہارے ساتھ ہوگی۔
اس کے بعد اس سامان کی کچھ تفصیل اس طرح فرمائی مِّنْ قُوَّةٍ یعنی مقابلہ کی قوت جمع کرو اس میں تمام جنگی سامان اسلحہ، سواری وغیرہ بھی داخل ہیں اور اپنے بدن کی ورزش، فنون جنگ کا سیکھنا بھی، قرآن کریم نے اس جگہ اس زمانہ کے مروجہ ہتھیاروں کا ذکر نہیں فرمایا بلکہ قوت کا عام لفظ اختیار فرما کر اس طرف بھی اشارہ کردیا کہ یہ قوت ہر زمانہ اور ہر ملک و مقام کے اعتبار سے مختلف ہوسکتی ہے اس زمانہ کے اسلحہ تیر، تلوار، نیزے تھے اس کے بعد بندوق توپ کا زمانہ آیا۔ پھر اب بموں اور راکٹوں کا وقت آگیا۔ لفظ قوت ان سب کو شامل ہے اس لئے آج کے مسلمانوں کو بقدر استطاعت ایٹمی قوت، ٹینک اور لڑاکا طیا رے، آب دوز کشتیاں جمع کرنا چاہئے کیونکہ یہ سب اسی قوت کے مفہوم میں داخل ہیں۔ اور اس کے لئے جس علم و فن کو سیکھنے کی ضرورت پڑے وہ سب اگر اس نیت سے ہو کہ اس کے ذریعہ اسلام اور مسلمانوں سے دفاع کا اور کفار کے مقابلہ کا کام لیا جائے گا تو وہ بھی جہاد کے حکم میں ہے۔
لفظ قوت عام ذکر کرنے کے بعد ایک خاص قوت کا صراحةً بھی ذکر فرما دیا (آیت) وَّمِنْ رِّبَاطِ الْخَيْلِ لفظ رباط مصدری معنی میں بھی استعمال ہوتا ہے اور مربوط کے معنی میں بھی پہلی صورت میں اس کے معنی ہوں گے گھوڑے باندھنا اور دوسری صورت میں بندھے ہوئے گھوڑے۔ حاصل دونوں کا ایک ہی ہے کہ جہاد کی نیت سے گھوڑے پالنا اور ان کو باندھنا یا پلے ہوئے گھوڑوں کو جمع کرنا۔ سامان جنگ میں سے خصوصیت کے ساتھ گھوڑوں کا ذکر اس لئے کردیا کہ اس زمانہ میں کسی ملک و قوم کے فتح کرنے میں سب سے زیادہ موثر و مفید گھوڑے ہی تھے۔ اور آج بھی بہت سے ایسے مقامات ہیں جن کو گھوڑوں کے بغیر فتح نہیں کیا جاسکتا۔ اسی لئے رسول اللہ ﷺ نے فرمایا کہ گھوڑوں کی پیشانی میں اللہ تعالیٰ نے برکت رکھ دی ہے۔
صحیح احادیث میں رسول اللہ ﷺ نے سامان جنگ فراہم کرنے اور اس کے استعمال کی مشق کرنے کو بڑی عبادت اور موجب ثواب عظیم قرار دیا ہے۔ تیر بنانے اور چلانے پر بڑے بڑے اجر وثواب کا وعدہ ہے۔
اور چونکہ جہاد کا اصل مقصد اسلام اور مسلمانوں سے دفاع ہے ہر زمانہ اور ہر قوم کا جدا ہوتا ہے اس لئے آنحضرت ﷺ نے فرمایا جاھدوا المشرکین با موالکم وانفسکم والسنتکم (رواہ ابو داؤد والنسائی والدارمی عن انس)۔
اس حدیث سے معلوم ہوا کہ: جس طرح دفاع و جہاد ہتھیاروں سے ہوتا ہے بعض اوقات زبان سے بھی ہوتا ہے اور قلم بھی زبان ہی کے حکم میں ہے۔ اسلام اور قرآن سے کفر و الحاد کے حملوں اور تحریفوں کی مدافعت زبان یا قلم سے یہ بھی اس صریح نص کی بنا پر جہاد میں داخل ہے۔

آیت مذکورہ میں سامان جنگ کی تیاری کا حکم دینے کے بعد اس سامان کے جمع کرنے کی مصلحت اور اصل مقصد بھی ان الفاظ میں بیان فرمایا (آیت) تُرْهِبُوْنَ بِهٖ عَدُوَّ اللّٰهِ وَعَدُوَّكُمْ یعنی سامان جنگ و دفاع جمع کرنے کا اصل مقصد قتل و قتال نہیں بلکہ کفر و شرک کو زیر کرنا اور مرعوب و مغلوب کردینا ہے وہ کبھی صرف زبان یا قلم سے بھی ہوسکتا ہے اور بعض اوقات اس کے لئے قتل و قتال ضروری ہوتا ہے۔ جیسی صورت حال ہو اس کے مطابق دفاع کرنا فرض ہے۔
اس کے بعد ارشاد فرمایا کہ جنگ و جہاد کی تیاری سے جن لوگوں کو مرعوب کرنا مقصود ہے ان میں سے بعض کو تو مسلمان جانتے ہیں اور وہ وہ لوگ ہیں جن سے مسلمانوں کا مقابلہ جاری تھا یعنی کفار مکہ اور یہود مدینہ۔ اور کچھ وہ لوگ بھی ہیں جن کو ابھی تک مسلمان نہیں جانتے۔ مراد اس سے پوری دنیا کے کفار و مشرکین ہیں جو ابھی تک مسلمانوں کے مقابلہ پر نہیں آئے مگر آئندہ ان سے بھی تصادم ہونے والا ہے۔ قرآن کریم کی اس آیت نے بتلا دیا کہ اگر مسلمانوں نے اپنے موجودہ حریف کے مقابلہ کی تیاری کرلی تو اس کا رعب صرف انہیں پر نہیں بلکہ دور دور کے کفار کسرٰی و قیصر وغیرہ پر بھی پڑے گا۔ چناچہ ایسا ہی ہوا۔ اور خلفائے راشدین کے عہد میں یہ سب مغلوب و مرعوب ہوگئے۔
جنگی سامان جمع کرنے اور جنگ کرنے میں ضرورت مال کی بھی پڑتی ہے بلکہ سامان جنگ بھی مال ہی کے ذریعہ تیار کیا جاسکتا ہے اس لئے آخر آیت میں اللہ کی راہ میں مال خرچ کرنے کی فضیلت اور اس کا اجر عظیم اس طرح بیان فرمایا ہے کہ اس راہ میں تم جو کچھ بھی خرچ کرو گے اس کا پورا پورا بدلہ تمہیں دے دیا جائے گا۔ بعض اوقات تو دنیا میں بھی مال غنیمت کی صورت میں یہ بدلہ مل جاتا ہے ورنہ آخرت کا بدلہ تو متعین ہے اور ظاہر ہے وہ زیادہ قابل قدر ہے۔ (تفسیر معارف القرآن، مفسر: مفتی محمد شفیع)

مزید تفصیل >>>>>

---

---